കത്തുകള്‍

1990 ജനുവരി ലക്കത്തില്‍ വന്ന പ്രതികരണങ്ങള്‍.

കുറിപ്പ് ആഹ്ലാദമായി. മൂല്യം നിര്‍ണ്ണയിക്കുന്ന ഒരേട്‌, കാലത്തിന്‍റെ ഏട്, ഉള്‍ക്കണ്ണുള്ള ഏട് സാധിക്കുമാറാകട്ടെ.
- എന്‍. പി. ഹാഫിസ്‌ മുഹമ്മദ്.
.................................................
ഏട്, മാനവികതയുടെ, മനുഷ്യത്വത്തിന്‍റെ സ്വന്തമാകട്ടെ.
- സതീഷ്‌ ആലപ്പുഴ.
.................................................
ഏട് കണ്ടു. കുറച്ചധികം പേരോട് ഏടിനെക്കുറിച്ച് പറഞ്ഞിട്ടുണ്ട്. വിജയാശംസകള്‍
- എം. ജി. ശശികുമാര്‍
.................................................
സാഹിത്യം മാത്രമല്ല, ജനകീയ പ്രശ്നങ്ങളും മിനി മാഗസിനുകള്‍ ഏറ്റെടുക്കണം. ഉത്തരവാദിത്വം നിറഞ്ഞ പുതുവര്‍ഷം ആശംസിക്കുന്നു.
- ശങ്കരന്‍ കോറോം
.................................................
മിനിമാസികകളെ ഗൌരവപൂര്‍വ്വം കാണുന്നുവെന്നതില്‍ സന്തോഷം. ഏടിന് എല്ലാവിധ വിജയങ്ങളും നേരുന്നു.
- ബി. എസ്. രാജീവ്
.................................................
വാര്‍ഷികപതിപ്പിന്‍റെ തിരക്കുപിടിച്ച യാത്രയിലായിരുന്നു. സഹകരണം എന്നും ഉണ്ടാകും.
- റസാക്ക് പയമ്പ്രോട്ട്
.................................................
കത്തിന് ഒത്തിരി നന്ദി. കയ്യിലിപ്പൊ നല്ല കഥയൊന്നും ഇല്ലല്ലോ? എഴുതുമ്പോള്‍ അയച്ചുതരാം.
- പത്മജ തങ്കച്ചി
.................................................
ഈടുറ്റ പ്രസിദ്ധീകരണമായി മാറാന്‍ ഏടിന് കഴിയട്ടെ എന്നാശംസിക്കുന്നു. ലിറ്റില്‍ മാഗസിനുകള്‍ ഇന്നത്തെ കേരളത്തില്‍ വളരെ ശ്രദ്ധയര്‍ഹിക്കുന്നു. വൈകിയാണെങ്കിലും മുതിര്‍ന്നവര്‍ ഈ ഭൂമരങ്ങളെ ആശംസിച്ച് തുടങ്ങിയിരിക്കുന്നു, എന്നതില്‍ നമുക്ക് ആഹ്ലാദത്തിന് വകയുണ്ട്.
-കെ. പി. രമേഷ്
.................................................
ഏട്ടിലെ പശു പുല്ലുതിന്നില്ലെങ്കിലും ഏടിലെ വാക്കുകള്‍ അമൃതം ചുരത്തട്ടെ.
- കെ. പി. രാമനുണ്ണി.