ഏട് മാസിക . 2009 december

രചനകള്‍ മെയില്‍ ചെയ്യുക.
eadumasika@gmail.com

6/18/09

ചിത

ബി. എസ്. രാജീവ്‌ / കവിത

ദുരന്തങ്ങളുടെ പാതയില്‍
ജീവിത മാറാപ്പില്‍ നിന്നും
ചിതറിയ തൊണ്ടുകളാല്‍
ചിതയൊരുക്കുന്നു ഞാന്‍.
കുഴച്ച മണ്ണിന്‍ സുഷിരത്തിലൂടെ
അയല്‍ക്കാരന്‍റെ ഗുണന ചിഹ്നമിട്ട
മുടിയോഴിഞ്ഞ ശിരസ്സ്‌ പുറത്തേക്ക് തള്ളുന്നു.
എരിയുന്ന കനലുകള്‍ കൊതിയോടെ
ഭസ്മം പൂശിയ ദേഹത്തെ നനക്കുന്നു.









' തലയിലെഴുത്തുകള്‍ ' തെളിയുന്ന ശിരസ്സുമാത്രം
ആര്‍ത്തിയോടെ എന്നെ നോക്കുന്നു.
വിലാപ വചനങ്ങള്‍ തോരാതെ പെയ്ത വായകള്‍,
മറവിയുടെ നീലക്കയങ്ങളില്‍ മറഞ്ഞോ?
രാത്രിയുടെ ഹസ്തരേഖാ ശാസ്ത്രത്തില്‍
ദുര്‍വിധിക്കോളം
തെളിഞ്ഞു കിടപ്പുണ്ടോ?
...............................................
ബി. എസ്. രാജീവ്‌
...............................................
ഏട്, 1990 സെപ്റ്റംബര്‍, ലക്കം 3
........................................
( ചിത്രം ഗൂഗിളില്‍ നിന്നും )





1 comment:

  1. ' തലയിലെഴുത്തുകള്‍ ' തെളിയുന്ന ശിരസ്സുമാത്രം

    ReplyDelete