ക്ലാസ്സ് മുറിയിലെ
മാറാല വീണ മച്ചില്‍ നോക്കി
ഉത്തരങ്ങള്‍ കണ്ടെത്തുന്നു.
അദ്ധ്യാപകന്‍റെ ആത്മാര്‍ത്ഥതയറ്റ മുഖം
വേദനയ്ക്ക് പകരം നിസ്സംഗത മാത്രം
സമ്മാനിക്കുന്നു.
യാന്ത്രികമായ മന്ത്രമുരുവിടല്‍ പോലെ
അദ്ധ്യാപകന്‍ വിദ്യ അഭ്യസിപ്പിക്കുന്നു.
ദുര്‍ഗ്രാഹ്യതയുടെ ഉച്ചസ്ഥിതിയില്‍
മുകളിലെങ്ങോ ഗൌളി ചിലക്കുന്നു.
വിദ്യ ചെറു സുഷിരങ്ങളിലൂടെ
പ്രവേശിക്കുന്നു.
വിദ്യാര്‍ത്ഥികള്‍
മനോമണ്ഡലത്തില്‍
മുഴുകുന്നതിനിടയില്‍
എപ്പോഴോ മണി മുഴങ്ങുന്നു.
പിടഞ്ഞെണീറ്റ കണ്ണുകളില്‍
രക്ഷാഭാവം.
...........................................
സുനില്‍. കെ. പൂലാനി
.............................................
ഏട്, 1990 ജനുവരി ലക്കം 2
...........................................
( ചിത്രം ഗൂഗിളില്‍ നിന്നും )
...........................................
( ചിത്രം ഗൂഗിളില്‍ നിന്നും )
എപ്പോഴോ മണി മുഴങ്ങുന്നു.
ReplyDelete